分享文章

點讀專訪|獨遊不毒,更有意想不到的收穫!細味林細朗的旅遊人生

疫情將近三年,相信困住了不少好想出走的心。不過隨著各國逐步解封,大家終於可以飛啦!網上最近全都是機場打卡照、機票優惠資訊,近日港府更取消「0+3」,世界逐漸復常,你會否都蠢蠢欲動,計劃來一趟久違的旅行?但原來有人早在防疫政策還未鬆綁之前,已經重新出發。

經常在社交平台分享遊歷點滴的旅遊達人林細朗,5 月已經急不及待於去了一趟長達 80 日的旅行,「留喺香港實在太耐啦,我想出去睇下,究竟所謂疫情之下嘅世界係點樣?」

一個人出走,開展 80 天的旅程

獨自出發,細朗首站選擇了土耳其,再沿地中海去中東國家約旦、黎巴嫰,再去北非突尼西亞、意大利。

土耳其及約旦他從前已經去過,再來是為了尋回旅行的感覺,「嗰陣覺得太耐無去旅行,感覺需要一個熱身嘅 trip (旅程),想揀一啲稍為熟悉、但又未完全 experience (經歷) 過嘅國家,所以就決定以土耳其為一個起點。」

一個人出走,沒有計劃就是好計劃

疫情下,已經很久沒出發去旅行。細朗坦言,出發前都有擔心過旅途中會確診,但一去到土耳其,看著美景,所有憂慮一掃而空。「好似同個世界終於接軌返,愈去得耐就發覺其實呢個世界好多人都已經 move on (向前行) 咗,慢慢就開始都嘗試跟住佢哋一齊 move on。」

重新出發,不用將行程排得滿滿、不用跑景點,自己一個人,隨心在咖啡店喝杯咖啡,呼吸著自由的空氣,已經十分珍貴。細朗說,這一趟旅行除了計劃好要去的國家,就沒有太多計劃,乘風而行。「當你放膽喺 hostel (旅館) 撩下人去玩,就會慢慢識到好多人,然後同啲人去唔同地方,最後一齊去咗 camping (露營) 、品酒,你踏出第一步去約下人,就會有意想不到嘅收穫。」

一個人出走,沉澱自己認識世界

相信很多人都想獨遊,但缺乏勇氣,細朗指與其擔心寂寞,還不如好好享受 me time,在旅途上正好把握時間沉澱自己,用新的角度認識世界。

面對著一人之境,或許對人生有新反思,「將呢份感覺好好哋記著,你就會更加覺得你生命中,邊啲人係最掛住嘅。」

跳出舒適圈

細朗大學畢業後便投身航空業,擔任空中服務員,過去三年航空業近乎冰封,不少人已經轉換跑道。10 月「0+3」公佈,航空業復蘇有望之際,細朗卻在社交平台宣佈已辭職,離開工作八年的崗位。

細朗說身邊不少同業都走出 comfort zone (舒適圈),開展新一頁,令他有所啟發,「大家喺唔同嘅跑道上都已經做出咗少少成績,我覺得自己已經遲咗起步,但未必需要再好似以前咁,留喺一份好穩定嘅工作,試下接觸多啲唔同機會,我覺得可能係新嘅生活模式。」

未來活在未知裡

離職後,細朗已經再飛了好幾趟,去泰國又去日本,買機票不及從前方便,笑言要重新學習儲飛行里數,但他已經滿腦子計劃,包括新一年嘗試自己一個人在不同地方旅居。

「以前喺 hostel 淨係會遇到一啲長途旅行嘅人、或者慳錢嘅遊客,啱啱去呢個 trip 住 hostel 嘅時候,多咗好多唔係 work from home (在家工作),可能係 work from 第二個國家嘅人,我就諗可唔可以透過做一啲旅行嘅內容,去實行呢個計劃。」

細朗幾年前將遊記結集成書,書名《就活在未知裡》,他一直嚮往在未知的旅途上,接觸到不同的人和事。經歷這些年,大家明白一切計劃到最後可能都是徒然。

新一年,細朗希望真真正正活在未知裡,讓一切沒定案,「呢幾年發覺唔一定去旅行,生活上都可以抱住呢個態度,好似我而家辭咗職,都係希望有一個咁樣嘅能力同空間,擁抱更多嘅可能性。」

相信,堅持,能成就我的小故事。

Success!

Thanks for subscribing.

Logo

訂閱電子資訊

您提供以下所需要的個人資料,即表示您已閱讀並同意《點讀》的《私隱政策聲明》及《個人資料收集聲明》,並同意 《點讀》使用您的個人資料以作訂閱《點讀》的電子資訊之相關用途。

如有需要,您亦可以隨時取消訂閱或修改您的個人資料。若有疑問,請電郵至 read@shkpreadingclub.com。

27

國學講座:《易經》與人生

6:00pm-7:30pm