【點讀專訪】11月公演《生死裁決》情繫三女角　陳志雲：現實沒經驗

由公仔箱、收音機再到 YouTube，都找到陳志雲的身影，但這些四四方方的框框豈能困住他的初心？「你問我係咪這幾年先至演戲？其實唔係，舞台一路都喺我哋生活裡。」

80 年代初能夠在香港大學一級榮譽文學士畢業的人，到今天可能仍是社會精英，陳志雲就是其中一人，他主修英國語文及比較文學系，還選修現代英國戲劇和舞台製作，畢業後加入政府做政務官，11 年後轉投私人機構，在商業電台與無綫電視徘徊，位居要職也兼任幕前、咪前，始終未掛上「舞台劇演員」的身分。

陳志雲一直以業餘身分演戲，終於在 2016 年擔正男一，在舞台劇《莎士對比亞》主演莎士比亞一角，當年他 57 歲。問他是否近年才學以致用時，冷不防他回答：「我一路都做緊舞台劇㗎其實……，不過個舞台唔同啫，哈哈！」

人生就是舞台  人人也是演員

他續說：「我喺政府做時，何嘗唔係一個舞台？你出來游說公眾接受一些政策，或者我喺倫敦辦事處時，游說英國國會議員畀五萬個香港家庭有英國國籍，那個都係舞台。有些論點唔係你自己信服，但係公司或政府畀你，你都要照講，都要演那齣戲，都要照那個劇本去講。到 TVB，做事要向媒體交代、向公眾交代，即使我唔係同意每一樣公司政策，但我喺那個位置，我都要照做，所以根本舞台係無離開過我哋人生。」

為甚麼偏愛舞台劇？「我嫌小說太長，嫌詩歌太短，話劇、舞台劇就啱啱好」。讀大學時，他在兩個學年製作了四個舞台劇，並演出過高年級同學的劇目。他喜歡現場演出的感覺，「舞台係要互動，觀眾點反應，你會畀返咩反應佢。人生都係咁，我哋要識得畀反應人。」

《哈利波特》自 1997 年出版後瘋魔全球，原著作者 J.K. 羅琳的相關作品可說是陪伴這一代年輕人成長，而在陳志雲的成長年代，就由「推理小說女王」、人稱「阿婆」的阿嘉莎．克莉絲蒂 (Agatha Christie) 相陪。超喜歡推理劇的陳志雲，心願是在舞台上飾演阿嘉莎筆下的角色。

11月公演推理女王劇作《生死裁決》

這個心願原本二月便可達成。阿嘉莎的劇作《Verdict》，由已故著名翻譯家陳鈞潤譯作《生死裁決》，劇團「劇場空間」在她誕生 130 周年的 2020 年搬上舞台，陳志雲飾演男主角韓嘉義，但受疫情影響延期至 11 月 12 至 22 日於西九文化區上演。

全劇演員 10 月重新綵排，陳志雲預期上演時一定可為觀眾帶來新鮮感，「相信到時只可以坐一半觀眾，因為疫情，喺一個空盪盪嘅觀眾席望上台，應該舒服啲。」

阿嘉莎主力寫推理小說，《生死裁決》雖是舞台劇本，卻是她最滿意的作品。有別她一向的「扭橋」作風，今次觀眾一早知道誰是凶手，不過有很多懸疑位，例如被冤枉殺人的那位，最終有或無罪？如果無罪，她會否返回男主角身邊？陳志雲說：「成件事鋪陳出來，觀眾有好多空間去想，不是只看完一個好有劇力嘅劇，係有好多人生、原則、道理問題，讓觀眾袋返去。」

韓嘉義教授原本與太太住德國，為幫朋友而失去教席，還受迫害而移居英國。陳志雲提到，韓教授的離鄉別井，跟現時再要思考移民的港人有相似的「掙扎位」，同樣是沒有人想連根拔起去一個新環境，但要顧及到原居地的前景，以及為子女找一個適合成長的地方。

那麼韓教授與陳志雲有像嗎？他笑說：「我唔明啲女人點解咁鍾意韓教授，佢好有學識啦當然，佢唔一定係好靚嘅人，但係好吸引到人嘅人，好有學養、好有風度，佢係好有趣。」他強調，在現實中未曾遇過韓教授那些四角戀，「可能我自己以前工作關係，喺工作環境條線我劃得好遠、好小心，費事有人誤會，所以我無咁嘅經歷。」

個性與主角相似  常好心做壞事

在性格上，他跟韓教授一樣好心做壞事，他試過借車給朋友，問清楚交收時間地點，卻令對方感到為難，「佢哋話『你咁細心安排，對我嚟講係一種壓力，我有時想晏少少，覺得唔好意思』。咁我就明白，我以為自己做好事，其實做緊壞事。」

身為劇迷的陳志雲，每年假期都去外國看舞台劇，除非有特定要看的劇目會預先訂票外，他去英國 West End 的習慣是即場買票，票價便宜而且有靚位，也試過去韓國看音樂劇，就算沒翻譯，他都想感受一下當地的「文化」。陳志雲認為文化並不遙遠及高深，它只是一種生活態度、生活形式。

「好似以前 (TVB) 老闆邵逸夫先生，佢爛戲都睇，好差嘅戲都睇，問佢點解咁差嘅戲都睇，『我睇佢差成點』，呢個唔只淨係佢，俞琤都係咁，『我就要睇下佢衰成點，點樣衰，咁都係一個學習過程』。我有一次同馬雲做訪問，佢話唔好淨係睇成功人士點解成功，更要睇失敗人士點解失敗。」

讓閱讀成為習慣  感受文字的力量

陳志雲喜愛閱讀，而且是看實體書，還喜歡收集書籤夾在其中。這位大半生在電子傳媒打滾的書迷認為，看書比聽收音機或看影片更有 engaging experience 的投入感，因為聲音影像都經過處理才傳播出去，「睇書係最原始，亦係最有互動力，係你自己去感受」，故鼓勵大家要讓閱讀 make it a habit，成為生活的一部分。

疫情延續大半年，沒打亂大忙人的日程，事關抗疫著重保持社交距離，「我無乜社交生活，所以無乜影響」，他在疫下趁機開設 YouTube 頻道，還創作網劇反串演出。

「在台上我覓理想」，61 歲的陳志雲覓到了，站在台上的他聲威最響。