分享文章

點讀專訪|造星楊安妮拿出「被討厭的勇氣」走娛樂圈Win Win之路

《全民造星4》第五名楊安妮 (Win Win) 本來是女團 COLLAR 的熱門人選,但她毅然選擇獨立發展,走不一樣的路。最初面對傳媒追問時,她坦言有點後悔,不過一年過去,心態亦隨之轉變,現在的她無悔當日決定,享受做一個娛樂圈斜槓族——藝人/跳舞導師。

「而家我仲可以教班,仲可以跳我自己想跳嘅舞,尤其見到啲學生進步,或者每次排完一隻舞見到佢哋跳完嗰個滿足感,我諗我入咗女團未必會感受到。」Win Win 每天的行程已被節目錄影、演出以及跳舞課堂等填滿,她說有時很難平衡幕前幕後兩邊的工作時間,笑稱「mark schedule (安排日程) 嘅時間已經係我每日 schedule 嘅一部分,每晚要拎出嚟閱讀!」

Win Win 舞技精湛,曾為組合 P1X3L、Lolly Talk 等排舞,《全民造星4》決賽的演出更受到網民激讚。當人人以為「跳舞」為她帶來光芒時,原來它也曾令 Win Win失去自信。「嗰時開始踏入 commercial (商業) 圈子,啲排舞師會比較鍾意有身型、有身材嘅女仔,做演唱會全部都係好高好瘦、身材好或樣靚嘅 dancer (舞者),但我完全唔合規格,啲排舞師搵晒我身邊所有朋友,都唔會搵我。」漸漸地自己經常跟人比較,結果自我否定,鑽牛角尖,那段時間可謂她人生的低潮。「晚晚喺屋企喊呀,嗰段時間係好辛苦,辛苦到唔想同人哋出去,我會自己搵地方匿埋,覺得自己一個最舒服」。

無比較無傷害?

在低潮的日子,Win Win試著用閱讀來淨化心靈,「我喺網上打『心靈書十大推薦』,最後去圖書館搵咗一本叫做《被討厭的勇氣》,個書名都幾吸引到我,被討厭,你需要勇氣喎。」書中一個問題一直縈繞在的她腦海裡:世界上如果無其他人,是否就不會存在比較?因比較而產生的不快樂、自卑感亦會消失?看完這書,Win Win 找到答案,「世界上超過一個人,就一定會有比較,你無可能唔比較,咁唯有接受同埋改變自己嘅諗法。」

後來 Win Win 有機會到內地及日本等國家進修舞技,讓她大開眼界,見識到世界之大,不能困在自己的小宇宙裡。「本身香港已經好細,你仲要喺跳舞呢個咁細嘅圈,逼住自己嗰個感覺係超辛苦!」接觸到不同的「舞」林高手,她決心不再單純跟身邊人比較,她笑說:「你要比,就同世界第一比!」

由參加《全民造星》到正式入行,Win Win曾被網民群起圍攻她的樣貌及亂說話,面對負評,Win Win 同樣拿出「被討厭的勇氣」。她說不介意被批評外表,但很介意別人忽略她的創作,「有時啲 comment (留言) 話『你咁樣衰,跳得幾好都無用啦』,我嬲嘅係佢哋根本無睇 (我嘅作品)。」

要對抗「被討厭」,她認為最重要是專注做好自己、對得住自己,「如果你做得唔好,最尾就要承受兩樣嘢:一來對唔住自己,二來就係被人攻擊,咁不如做好自己等自己舒服。」

下一步要做作家?

Win Win 鏡頭前總予人活潑、生鬼的形象,原來讀書時也有文靜一面,當年會看作家龍應台的作品,她首推《目送》,因為勾起兒時與照顧她的爺爺嫲嫲的回憶,「我以前對佢哋可能唔夠好,睇呢本書可能會回憶返,令我反思點樣對自己爸爸媽媽好,同埋睇完會覺得要更加珍惜屋企人。」

入行後,Win Win 參演過不同的綜藝及旅遊節目等,亦推出過派台歌,原來她亦有構想過出書,她笑說內容會是「Win Win 如何走到來這一步」,集旅遊、跳舞、時間管理於一身,但最令她糾結是中文不好,「我中文真係太差,文筆好差,連打句 caption 都要給朋友驗收,呢樣嘢有啲撠住我。」

她說出書可以讓讀者有多一個認識她的機會,「我覺得書本最得意嘅地方,係畀到人有想像嘅空間,可能我講一句說話大家會諗多咗,我又唔使直接講出我心入面嘅諗法,呢個都係我想出書嘅目的。」如果 Win Win 真的出書,大家又會期望看到甚麼內容呢?

相信,堅持,能成就我的小故事。

Success!

Thanks for subscribing.

Logo

訂閱電子資訊

您提供以下所需要的個人資料,即表示您已閱讀並同意《點讀》的《私隱政策聲明》及《個人資料收集聲明》,並同意 《點讀》使用您的個人資料以作訂閱《點讀》的電子資訊之相關用途。

如有需要,您亦可以隨時取消訂閱或修改您的個人資料。若有疑問,請電郵至 read@shkpreadingclub.com。

20

回憶與城市相遇-陳浪《我多的是時間漂流》新書分享會 (香港場)

5:00pm-6:30pm

21

《哪怕天色再暗》新書分享會

3:00pm-4:00pm